युटोपियन शुगर्स येथे शिवजयंती उत्साहात साजरी

 

हिंदवी स्वराज्याचे संस्थापक श्री.छत्रपती शिवाजी महाराज यांची ३९१ वी जयंती आज शुक्रवार दि.१९/०२/२०२१ रोजी युटोपियन शुगर्स लि. कचरेवाडी ता.मंगळवेढा येथे कारखाना कार्यस्थळावर मोठ्या आनंदात व उत्साहात साजरी करण्यात आली. प्रथम छत्रपती श्री.शिवाजी महाराजांच्या प्रतिमेचे पूजन मान्यवरांच्या हस्ते करण्यात आले. “छत्रपती शिवाजी महाराज की जय” “जय भवानी जय शिवाजी” या घोषणेने सारा परिसर दुमदुमून गेला होता.यावेळी युटोपियन शुगर्स चे डिस्टिलरी वेअरहाऊस सुपर वाईजर मोहम्मद अली पठाण यांनी शिवाजी महाराजांवर तयार केलेली अप्रतिम कविता सादर करून महाराजांना अभिवादन केले. युटोपियन शुगर्स च्या वतीने दर वर्षी मोठ्या दिमाखात शिवजयंती साजरी करण्यात येते. यावेळी युटोपियन शुगर्स चे सर्व खाते प्रमुख, अधिकारी, व कर्मचारी वर्ग मोठ्या संख्येने उपस्थित होता.