युटोपियन शुगर्स च्या वतीने ऊसतोडणी कामगार यांना फडामध्ये जाऊन दिवाळी साहित्य व सॅनिटायझर चे वाटप

युटोपियन शुगर्स च्या वतीने ऊसतोडणी कामगार यांना फडामध्ये जाऊन  दिवाळी साहित्य व  सॅनिटायझर चे वाटप

युटोपियन शुगर्स लि.या कारखान्याने दोनच दिवसापूर्वी ऊस उत्पादक यांना २०० रुपये प्रमाणे दिवाळी भेट दिली तर कामगारांना १६.६६% इतका बोनस देऊन ऊस उत्पादक व कामगारांची ही दिवाळी गोड केली. याच वेळी सामाजिक जाणीवेतून, संवेदनशीलता जपत शेकडो कि.मी.दूर वरुन आलेल्या ऊस तोडणी कामगारांची ही दिवाळी गोड व्हावी, या हेतूने कारखान्याचे चेअरमन उमेश परिचारक यांच्या संकल्पनेतून व मार्गदर्शनातून ऊसतोडणी कामगार यांना ऊसाच्या फडात जाऊन दिवाळी साहित्याचे तसेच कोरोना सारख्या रोगापासून सुरक्षितता व्हावी म्हणून सॅनिटायझर चे ही वाटप चि.ऋषीकेश उमेश परिचारक यांच्या शुभहस्ते करण्यात आले.

         कारखान्याच्या प्रगती मध्ये सर्वात तळातील भूमिका बजाविणारे ऊस तोडणी कामगार हे आपल्या पोटाची खळगी भरण्यासाठी आपल्या घरापासून,आपल्या नातलगांपासून शेकडो कि.मी.दूर येऊन पहाटे पासून कडाक्याच्या थंडीमध्ये ही ऊसाच्या फडामध्ये जाऊन ऊस तोडणीचे काम करीत असतात.असे ऊस तोड कामगार व त्यांचे कुटुंबीय दिवाळी सणा पासून वंचित राहू नये या करीता युटोपियन शुगर्स च्या वतीने ऊस तोडणी कामगारांना ऊसाच्या फडामध्ये जाऊन दिवाळी सणा करीता आवश्यक असणारे सुगंधी तेल,साखर,उटणे,रवा,मैदा,खाद्यतेल,मोती साबण,बेसन, अशा प्रकारचे साहित्य व सध्याच्या कोविड-१९ या विषाणूंच्या प्रादुर्भावामुळे निर्माण झालेल्या वातावरणा मध्ये खबरदारीचा उपाय म्हणून युटोपियन शुगर्स ने उत्पादित केलेल्या को-गो हँड सॅनिटायझर व मास्क चे मोफत वाटप कारखान्याच्या वतीने चि. ऋषीकेश परिचारक यांच्या शुभहस्ते करण्यात आले. यावेळी पंढरपूर पं.स.सभापती दिलीप (अप्पा) घाडगे युटोपियन शुगर्स चे मुख्य शेती अधिकारी धनंजय व्यवहारे यांचे सह ऊस तोडणी कामगार उपस्थित होते.

फोटो ओळी: युटोपियन शुगर्स च्या वतीने ऊस तोडणी कामगारांना फडामध्ये जाऊन दिवाळी सणा करीता आवश्यक असणारे साहित्यवाटप करताना चि. ऋषीकेश परिचारक, दिलीप (अप्पा) घाडगे, युटोपियन शुगर्स चे मुख्य शेती अधिकारी धनंजय व्यवहारे व ऊस तोडणी कामगार आदी दिसत आहेत.

 

युटोपियन शुगर्स ची ऊस उत्पादकांना २०० रु.ची दिवाळी भेट ऊस उत्पादकांच्या खात्यावर जमा,कामगारांनाही १६.६६% बोनस- उमेश परिचारक

 

युटोपियन शुगर्स  लि. पंतनगर कचरेवाडी या कारखान्याने या पूर्वीच ऊस उत्पादकांना दिवाळी भेट देण्याचे जाहीर केल्याप्रमाणे  गळीत हंगाम २०१९-२० या कालावधीत गाळप केलेल्या ऊसास प्रति मे. टन २०० रु. प्रमाणे होणारी रक्कम ऊस उत्पादकांच्या खात्यावर जमा केली असल्याची व कामगारांचीही दिवाळी गोड करण्याच्या उद्देशाने कामगारांनाही १६.६६% बोनस म्हणून दिला असल्याची माहिती  कारखान्याचे चेअरमन उमेश परिचारक यांनी दिली. 

       यावेळी बोलताना चेअरमन उमेश परिचारक म्हणाले कि,युटोपियन शुगर्स ने गळीत हंगाम २०१९-२० मध्ये ४,०३,२३२ मे. टन इतक्या ऊसाचे गाळप करीत ९.९१% इतक्या सरासरी रिकव्हरी ने ३,९९,५००क्विं.इतकी साखर उत्पादित केली आहे. चालू वर्षी ऊस उत्पादकांकडे पुरेशा प्रमाणावर ऊस आहे. मात्र कारखाना प्रशासनावर विश्वास टाकून ज्या  ऊस उत्पादकांनी २०१९-२० या गळीत हंगामामध्ये युटोपियन शुगर्स ला ऊस दिला आहे त्या सर्व ऊस उत्पादकांना दिवाळी भेट देणार असल्याचे कारखाना प्रशासनाकडून जाहीर करण्यात आलेले होते,त्यास अनुसरून शब्द्पूर्ती करीत ऊस उत्पादकांना प्रति मे.टन २०० प्रमाणे होणारी रक्कम ऊस उत्पादकांच्या खात्यावर वर्ग करण्यात आलेली आहे.

       दिवाळीच्या तोंडावरती सदर ची रक्कम मिळत असल्याने ऊस उत्पादकांमध्ये चैतन्यमय वातावरण निर्माण झाले आहे. तसेच कारखान्याच्या वतीने कारखान्याच्या ऊस उत्पादकांना दिवाळीची साखर हि घरपोच देण्यात येणार  असल्याचे सांगून शेती विभागा मार्फत सदर च्या साखरेचे वाटप चालू करण्यात आले आहे.कारखान्याच्या उभारणी मध्ये कामगारांचे ही योगदान तितकेच महत्वाचे आहे कामगारांची जिद्द,चिकाटी,व सकारात्मक दृष्टीकोण या बाबी कारखान्याच्या प्रगती मध्ये हातभार लावणार्‍या असतात. त्यामुळे त्यांची ही दिवाळी गोड करण्याच्या उद्देशाने कामगारांना ही १६.६६% प्रमाणे बोनस देण्यात आला असल्याची माहिती ही चेअरमन उमेश परिचारक यांनी दिली.तसेच त्यांनी ऊस उत्पादक,कर्मचारी, व नागरिकांना दिवाळीच्या शुभेच्छा दिल्या आहेत. 

या प्रसंगी कारखान्याचे सर्व खाते-प्रमुख,अधिकारी वर्ग उपस्थित होता.

पुरग्रस्त ऊस तोड मजुरांना युटोपियन शुगर्सची मदत

 सामाजिक कार्यात नेहमी अग्रेसर असणार्‍या युटोपियन शुगर्स ने पुरग्रस्त ऊस तोड मजुरांना मदत करून आपली सामाजिक बांधिलकी जोपासली आहे . यावर्षी अतिवृष्टी मुळे अनेक नद्यांना पुर आल्याने बऱ्याच भागात मोठ्या प्रमाणावर नुकसान झालेले आहे.शासन स्तरावरून सर्वत्र नुकसानीची पाहणी व काही ठिकाणी पंचनामे करण्याचे काम हि चालू झालेले आहे.मात्र शासन स्तरावरील मदतीची प्रतीक्षा करीत न बसता युटोपियन शुगर्स ने पूरग्रस्त ऊस तोड मजुरांना मदत करण्याची भूमिका घेतली आहे.

युटोपियन शुगर्स ने चालू गळीत हंगाम सन २०२०-२०२१ हा दिनांक १५ ओक्टोंबर २०२० पासून चालू करण्याच्या उद्देशाने युटोपियन शुगर्स चे वाहतूक ठेकेदार श्री.धनाजी भगवान पाटील रा.रहाटेवाडी यांचा ऊस वाहतुकीचा धंदा असून त्यांनी नन्देश्वर,भोसे,हुन्नुर,लवंगी या भागातील ऊस तोडणी मजूर रहाटेवाडी येथे ऊस तोडणी साठी सह परिवार मुक्कामी आणले होते.पाटील हे प्रथम गळीत हंगामापासून ते युटोपियन शुगर्स साठी काम करीत आहे. या वर्षी सातत्याने पडणारा पाऊस व उजनीधरणातून व माण नदीतून आलेले पाणी यामुळे चंद्रभागा नदीस पुर आल्याने त्यांचे १० ऊस तोडणी मजुरांचे राहती घरे (झोपड्या) पाण्याखाली वाहून गेल्याने कसल्याही प्रकारचे संसार उपयोगी साहित्य शिल्लक राहिले नाही. अशा परिस्थितीत राहणे बिकट झाले होते. त्यामुळे अशा पूरग्रस्तांना मदतीचा हात देण्याची भूमिका कारखान्याचे चेअरमन उमेश परिचारक यांनी घेतली.त्यांनी मुख्य शेती अधिकारी धनंजय व्यवहारे,ऊस पुरवठा अधिकारी कृष्णात ठवरे यांना सदर च्या पूरग्रस्तांच्या अडचणीचा मानवतेच्या दृष्टीकोनातून विचार करून सर्वतोपरी मदत करण्याच्या सूचना दिल्या होत्या.

परिचारक यांच्या सूचनेनुसार पूरग्रस्त ऊस तोडणी मजुरांना संसार उपयोगी साहित्य भांडी,कपडे,बाजरी,गहू,धान्य असे एकत्रित २५,०००/- रकमेची मदत त्यांच्या मूळगावी जाऊन ऊस पुरवठा अधिकारी कृष्णात ठवरे यांनी वाटप केले आहे.    

फोटो ओळी:- ऊस तोड मजुरांना संसार उपयोगी साहित्याचे वाटप करिताना युटोपियन शुगर्स चे ऊस पुरवठा अधिकारी कृष्णात ठवरे,विभाग प्रमुख भाऊसाहेब रेवे व पूरग्रस्त नागरिक दिसत आहेत.

सचोटी आणि प्रामाणिकपणा हीच यशाची गुरुकिल्ली- महादेव शिंदे- युटोपियन शुगर्स लि. येथे ध्वजारोहण कार्यक्रम संपन्न

 

सचोटी आणि प्रामाणिकपणा हीच यशाची गुरुकिल्ली- महादेव शिंदे

युटोपियन शुगर्स लि. येथे ध्वजारोहण कार्यक्रम संपन्न

मंगळवेढा:- युटोपियन शुगर्स लि.पंतनगर कचरेवाडी येथे वार शनिवार  दि. १५ ऑगस्ट २०२० रोजी स्वतंत्र भारताचा ७४ स्वातंत्र्यदिन दि.पंढरपूर अर्बन बँकेच्या मंगळवेढा येथील शाखा प्रमुख श्री.महादेव शिंदे सो.यांच्या शुभ-हस्ते कारखाना कार्यस्थळावर ठीक सकाळी ८.०० वा. ध्वजारोहण उत्साहात व शिस्त-प्रिय वातावरणात करण्यात आला. यावेळी सकाळपासून देशभक्तीपर गीते लावण्यात आली होती.कोरोंना च्या पार्श्वभूमीवर शासनाच्या आदेशाचे पालन करीत योग्य ती काळजी घेत सोशलडिस्टन्स ची अंमल बजावणी करण्यात आली.यावेळी युटोपियन शुगर्स चे सर्व अधिकारी,खाते-प्रमुख,उपस्थित होते.

        ध्वजारोहणाला प्रमुख पाहुणे म्हणून लाभलेले महादेव शिंदे यांनी सर्वांना “भारत माता की जय“म्हणत  स्वातंत्र्यदिनाच्या शुभेच्छा दिल्या. यावेळी बोलताना शिंदे म्हणाले की,सामाजिक कार्यात नेहमीच अग्रेसर असणार्‍या युटोपियन शुगर्स ने आपल्या कर्तुत्वाच्या जोरावर अल्पावधीतच आपले एक वेगळे नाव तयार केले असून एक आदर्श निर्माण केला आहे. ब्रिटिश साम्राज्यापासुन १५ ऑगस्ट इ.स. १९४७ रोजी भारताला स्वातंत्र्य मिळाले. त्यामुळे भारताचा स्वातंत्र्य दिन दरवर्षी १५ ऑगस्ट रोजी साजरा केला जातो.  भारतासाठी हा सुवर्णक्षण आहे या दिवशी देशभरातही सर्व ठिकाणी ध्वजारोहण, मिरवणुका व सांस्कृतिक कार्यक्रमांद्वारे हा दिवस साजरा केला जातो तसेच येणाऱ्या पिढ्यांना स्वातंत्र्यासाठी आधीच्या पिढ्यांनी नेमकी काय किंमत मोजली याची जाणीव आपल्या भाषणात करून दिली.कोणत्याही उद्योगाची यशस्विता हि त्या ठिकाणी कार्यरत असणाऱ्या कामगाराच्या सचोटी वरच अवलंबून असून चालू गळीत हंगामात या गुणांवरच कारखान्याची विक्रमी कामगिरी करण्यात यावी असे मत व्यक्त करून कारखान्याचे चेअरमन उमेशराव परिचारक यांच्या नेतृत्वाखाली कारखाना चालू गळीत हंगामामध्ये विक्रमी कामगीरी करेल असा आशावाद हि शिंदे यांनी व्यक्त केला.  

या वेळी कारखान्याचे मुख्य शेती अधिकारी धनंजय व्यवहारे,चीफ केमिस्ट दीपक देसाई ,चीफ इंजिनिअर पतंगराव पाटील,यांनी आपले मनोगत व्यक्त केले ,तर कार्यक्रमाचे आभार चीफ फायानांसियल ऑफिसर दिनेश खांडेकर यांनी मानले व चेअरमन साहेब यांच्या मार्गदर्शना खाली कारखाना विक्रमी कामगिरी करेल असा विश्वास व्यक्त केला

कार्यक्रमाचे सूत्रसंचालन सेल अकौंटंट लक्ष्मण पांढरे यांनी केले.

युटोपियन शुगर्स च्या सहाव्या गळीत हंगामाची सांगता,चालू गळीत हंगामात ४ लाख मे.टन गाळप पूर्ण,कामगारांना १० दिवसाचा बक्षीस पगार,तर निडवा ऊस पीक संवर्धनासाठी १०० प्र.मे.टन ज्यादा दर देणार :- उमेश परिचारक

पंतनगर,कचरेवाडी ता.मंगळवेढा येथील युटोपियन शुगर्स या कारखान्याच्या ६ व्या गळीत हंगामाचा सांगता समारंभ मंगळवार दि.०३/०३/२०२० रोजी पांडुरंग परिवाराचे कुटुंब प्रमुख मा.सुधाकरपंत परिचारक यांच्या शुभहस्ते गव्हाणीत मोळी टाकून करण्यात आला. या चालू गळीत हंगामात युटोपीयन शुगर्स ने  ४ लाख मे.टनाचे गाळप पूर्ण केले आहे. सदर च्या सांगता समारंभा प्रसंगी पांडुरंग स.सा, कारखान्याचे व्हा.चेअरमन वसंतनाना देशमुख,रतनचंद शहा सहकारी बँकेचे चेअरमन मा.राहुल शहा, पां.स.सा.का.माजी चेअरमन मा.दिनकर भाऊ मोरे,कृ.उ.बाजार समितीचे मा.सभापती दाजी पाटील,दामाजी स.सा.कारखान्याचे मा.चेअरमन चरणूकाका पाटील,ईन्नूसभाई शेख,पां.स.सा.कारखान्याचे कार्यकारी संचालक डॉ.यशवंतराव कुलकर्णी,पंढरपूर अर्बन बँकेचे मुख्य कार्यकारी अधिकारी उमेश विरधे, शिवाजीराव नागणे,चंद्रशेखर कौंडुभैरी ,ज्ञानदेव ढोबळे,राजुबापू गावडे,रतीलाल गावडे , नामदेव जानकर,दादा गरांडे, अरुण किल्लेदार कारखान्याचे चेअरमन उमेश परिचारक, कार्यकारी संचालक उत्तमराव पाटील,पत्रकार यांच्या समवेत कारखान्याचे सर्व खाते-प्रमुख,अधिकारी व कर्मचारी वर्ग उपस्थित होता. 

          स्वागत व प्रास्ताविक करताना कारखान्याचे चेअरमन उमेश परिचारक म्हणाले की,राज्यात सर्वाधिक साखर कारखाने आपल्या जिल्ह्यात आहेत. ऊस उत्पादकांच्या हितासाठी साखर कारखान्यांची निर्मिती केली.ते कारखाने टिकणे व टिकवणे ही काळाची गरज आहे.  आपल्या युटोपियन शुगर्स ने संपूर्ण सोलापूर जिल्ह्यामध्ये दुष्काळी परीस्थिती असताना ही आपले ४ लाख मे.टन ऊस गाळपाचे उद्दीष्ट पूर्ण केले आहे.आपले उद्दीष्ट पूर्ण करणारा युटोपियन शुगर्स हा सोलापूर जिल्ह्यामधील खाजगी कारखान्यामध्ये एकमेव आहे. गतवर्षी युटोपियन शुगर्स ने ६,३२,३११ मे.टन ऊसाचे गाळप करून एक नवा उच्चांक निर्माण केला होता.मागील वर्षी कमी प्रमाणात झालेला पाऊस त्यामुळे जनावरांच्या चार्यासचा प्रश्न निर्माण झाला होता. त्यामुळे सरकार ने छावण्या उभ्या करून शेतकर्यांमचे कृषिधन वाचविण्याचा प्रयत्न केला. त्यामुळे ऊसाचा वापर मोठ्या प्रमाणात चारा म्हणून केला गेला. त्यामुळे गळीत हंगाम २०१९-२०२० करिता ऊसाचा प्रश्न करखानदारा पुढे उभा होता त्यामुळे जिल्हयामधील बहुतांश साखर कारखाने बंद ठेवण्यात आले.तर काही कारखान्याने अल्प कालावधी करिता सुरू झाले होते. युटोपियन शुगर्सच्या प्रगतीचा आलेख हा सुरुवातीपासूनच चढता आहे. युटोपियन शुगर्स ने मागील ५ ही गळीत हंगामा मध्ये एफ.आर.पी.पेक्षा जास्तीचा दर देण्याची परंपरा कायम राखून ऊस उत्पादकांचा विश्वास संपादन केल्याने गळीत हंगाम सुरू करण्यापूर्वीच मिल रोलर पूजन प्रसंगी दिनांक ०३ जुलै २०१९ रोजी ४ लाख मे.टन ऊस गाळपाचे उद्दीष्ट ठेऊन २०१९-२०२० या आव्हानात्मक हंगामास सामोरे जाण्याचा धाडसी निर्णय युटोपियन प्रशासनाने घेतला. युटोपियन शुगर्स ने ऊस उत्पादकांचा विश्वास संपादन केल्यामुळेच युटोपियन शुगर्सला ही भरीव कामगिरी करता आली आहे.तसेच निडवा ऊसपीक संवर्धंनासाठी प्रति.टन १०० रुपये जादा दर देणार असल्याचे मत व्यक्त करून गळीत हंगाम यशस्वी केल्याबद्दल कारखान्याचे कार्यकारी संचालक,अधिकारी व सर्व कर्मचार्‍यांचे मी अभिनंदन करतो.व त्यांना पांडुरंग परिवाराचे कुटुंब-प्रमुख सुधाकरपंत परिचारक यांच्या सूचनेनुसार कर्मचार्‍यांना १० दिवसांचा पगार बक्षीस म्हणून देणार असल्याची घोषणा चेअरमन उमेश परिचारक यांनी केली.

यावेळी राहुल शहा,चरणूकाका पाटील,दिनकरभाऊ मोरे,डॉ.यशवंतराव कुलकर्णी,ईन्नूस भाई शेख,उमेश विरधे,आदींची समायोचित भाषणे झाली.यावेळी सर्वाधिक ऊस उत्पादन घेणारे ऊस उत्पादक सिद्धापुर ता. मंगळवेढा येथील अण्णासो शिवगोंडा पाटील आडसाली लागण प्रति एकर १०४ मे.टनाचे उत्पादन शिवणे ता.सांगोला येथील धोंडीराम यशवंत जानकर खोडवा पीक प्रति एकर ६० मे.टना चे उत्पादन तळसंगी ता.मंगळवेढा येथील अलका सुभाष पवार निडवा पीक  प्रति एकर ६० मे.टना चे उत्पादन तसेच वाहतूक ठेकेदार यांनी चालू गळीत हंगामामध्ये सर्वाधिक ऊस वाहतूक केल्याबद्दल नंदेश्वर ता. मंगळवेढा येथील बंडू दादा करे प्रथम क्रमांक ३५०७ मे.टन वाहतूक पाठखळ ता.मंगळवेढा येथील शत्रुघ्न दगडू शिंदे द्वितीय क्रमांक २८६३ मे. टन वाहतूक  पाठखळ ता.मंगळवेढा येथील प्रताप शिंदे तृतीय क्रमांक २५६० मे. टन वाहतूक केल्या बद्दल व सर्वाधिक ऊस उत्पादन घेतल्या बद्दल पारितोषिक देऊन सन्मानित करण्यात आले.  

गळीत हंगाम यशस्वी केल्या बद्दल सर्व खाते-प्रमुख,अधिकारी तसेच तोडणी वाहतूकदारांचा  यांचा पांडुरंग परिवाराचे कुटुंब प्रमुख मा.सुधाकरपंत परिचारक यांच्याहस्ते सत्कार करण्यात आला.तसेच ऊस उत्पादक व तोडणी वाहतूकदार यांच्या वतीने कारखान्याचे चेअरमन उमेश परिचारक व कार्यकारी संचालक उत्तमराव पाटील यांचा सत्कार करण्यात आला.

 प्रारंभी कार्यक्रमाची सुरुवात कारखान्याच्या डिस्टिलरी विभागाचे सिनिअर केमिस्ट श्री.राजाराम पाटील यांच्या शुभ हस्ते सपत्नीक सत्यनारायण महापूजा करण्यात आली.

आभार मुख्यशेती अधिकारी धनंजय व्यवहारे यांनी मानले तर कार्यक्रमाचे सूत्रसंचालन सेल अकौंटंट लक्ष्मण पांढरे यांनी केले.

छाया : सागर राजमाने

युटोपियन शुगर्स येथे शिवजयंती उत्साहात साजरी

रयतेचे राजे छत्रपती शिवाजी महाराज यांची जयंती मोठ्या उत्साहात आज युटोपियन शुगर्स लि पंतनगर कचरेवाडी येथे संपन्न झाली.कारखान्याचे कार्यकारी संचालक उत्तमराव पाटील यांचे शुभ हस्ते छत्रपती शिवाजी महाराज यांच्या प्रतिमेस पुष्पहार अर्पण करून प्रतिमा पूजन करण्यात आले. या वेळेस “जय भवानी जय शिवाजी” या घोषणांनी संपूर्ण परिसर दुमदुमून गेला.यावेळी कारखान्याचे सर्व खाते-प्रमुख,अधिकारी,व कर्मचारी वर्ग मोठ्या संखेने उपस्थित होता...

•सदिच्छा भेट• युटोपियन शुगर्स ला सह्याद्रि सहकारी साखर कारखान्याचे कार्यकारी संचालक मा.श्री.आबासाहेब पाटील यांची सहकार्‍यांसामवेत सदिच्छा भेट

https://laxmanpandhare.blogspot.com/2020/02/blog-post.htm                                                              •सदिच्छा भेट• 
 युटोपियन शुगर्स या  कारखान्याच्या अद्यावत तंत्रज्ञानाविषयी व आसवानी प्रकल्पाच्या प्रगत तंत्रज्ञानाविषयी माहिती जाणून घेण्याकरिता महाराष्ट्र राज्य सहकार व पणन विभागाचे मंत्री मा.श्री.बाळासाहेब पाटील,यांच्या यशवंत नगर ता.कराड,जि.सातारा येथील सह्याद्रि सहकारी साखर कारखान्याचे  कार्यकारी संचालक मा.श्री.आबासाहेब पाटील यांचे समवेत कारखान्याचे जनरल मॅनेजर श्री.यादव साहेब, सिव्हिल इंजिनीअर श्री.पाटील साहेब व यांचे सहकारी यांनी काल युटोपियन शुगर्स या कारखान्यास सदिच्छा भेट देऊन  डिस्टिलरी व इन्सिरेशन प्रकल्पा बाबत माहिती जाणून घेतली.यावेळी त्यांचे स्वागत युटोपियन शुगर्स चे कार्यकारी संचालक उत्तमराव पाटीलसो यांनी केले. व कारखान्याच्या अद्ययावत तंत्रज्ञानाबद्दल माहिती दिली. यावेळी कारखान्याचे सर्व खाते-प्रमुख,व अधिकारी वर्ग उपस्थित होता